يوم ميلادى

كتبهاأبو آدم ، في 14 يناير 2008 الساعة: 10:48 ص

لقد ولدت فى منتصف شعبان …. ليلة منتصف شعبان وأنا هنا أؤكد أن أحاديث هذه الليله كلها ضعيفة ولم يثبت شئ فى فضلها ….
حتى لايقولون أنت ولدت فى ليله مفترجة أو ماشابه..

إيه التلج ده … أنا إيه اللى خرجنى للناس دول ومين اللى لابسه أبيض دى ؟؟؟
لا ياجماعة أنا عايز أرجع بطن أمى تانى
مانا كنت قاعد فى الدفا جوه … ولاحد يفعص فىَّ ولا حد يقلب فىَّ..
إيه ده كمان .. إيه ياست بتقلبينى كدة ليه ..
إيه ده وكمان بانضرب .. وعلى مؤخرتى .. يادى الكسوف.!!
واااء ,, وااااء
أيوة كدة …. لبسونى .. إيه الهدوم الحلوة دى ؟؟؟
أنتوا وخدينى على فين .. أنا مش هاسيب أمى ..
ومين الراجل اللى مربى لحيته وعينيه مدمعه ده كمان ؟؟
شكله كده أبويا … أنا عرفته من صوته
واللى قاعدين دول بقى بقية قرايبى
ياسلام
أمال فين الباقيين
شكلكوا كده تستاهلوا أنى أخرج لكوا
أنتوا فرحانيين أوى كدة عشانى
دة أنا شكلى هاشتغلكوا لحد ماأشبع ……!!